賭王何鴻燊千金何超瓊昨日出席澳門旅遊塔活動，試玩人工智能機械人。對於有傳她每次分手都有錢收作補償時，她歎當年與楊其龍相戀影響前途，並笑言自己性格倔強，現在又沒有拖拍，已到山窮水盡的時候。 澳門直擊
賭王何鴻燊千金何超瓊（Pansy）昨日在澳門旅遊塔出席關於日本遊樂園主題的開幕活動，日籍影星樋口明日嘉為大會擔任主持。
意國度假
Pansy透露剛與妹妹等到意大利度假10日，問她有否留意十姑娘何婉琪於自傳中提及她每次分手都會獲得賭王父親升職加人工作補償的報道，Pansy說：「每個人都有佢嘅幻想，第一雖然十姑娘係我姑姐，不過我哋唔親密，清楚我嘅人都知呢個想法唔恰當。我結婚前都未加入澳娛，何來加薪升職。」
問Pansy當年與楊其龍相戀分手會否有錢收，她笑說：「呢件事變成件大事，產生咗好大矛盾，仲影響我嘅前途，邊有機會撈番筆，同我做生意嘅知道我嘅態度，我唔係淨係同何生交代，我係要向投資者交代。」
拒談離婚
此外，問Pansy每次拍拖對象是否要給賭王父親過目，她說：「我係一個倔強嘅人，唔容易講得掂，唔係都唔會搞啲咁尷尬嘅事出嚟。我𠵱家冇拖拍，到咗山窮水盡。」問她是否辦妥與前夫許晉亨的離婚手續，她說：「唔好問，呢啲係我哋兩個嘅私人嘢。」
採訪：JessicaNgan
攝影：RickyChan
