陶大宇和吳卓羲昨日到油麻地拍攝無綫新劇《學警出更》，二人穿上軍裝制服拍攝追截醉酒漢的戲份，吳卓羲更慘被醉漢吐至滿身，及後又被對方以垃圾襲擊，十分狼狽。
體會當差之苦
穿上沙展制服的陶大宇昨日獲外籍遊客問路，他即禮貌地指路，他表示必須遵守指引來保持警隊形象，他說：「我有七成戲都係外景，着住軍裝唔可以食煙，連坐都唔可以，食飯時間要換番自己衫先可以食嘢，𠵱家先體會到差人喺大熱天時要室外工作，原來係咁辛苦。」
至於吳卓羲表示身上的嘔吐物是道具組同事的精心傑作，他說：「用咗餅乾、牛奶、雜果、啤酒製成嘅，都幾似㗎！」
採訪：卓美娟
攝影：陳慧安
