近期水貨界最熱話一定非CdGPLAY！綠色心心Tee莫屬。雖然大大話話都出咗成兩個月，款式又唔及紅色心心系列多，不過經網友講、水貨舖店員講、報紙雜誌熱煲，呢款Tee日日都有人問價，去貨速度極快。兩個款式平均每日賣出幾件，幾乎斷貨咁滯，要買真係要趁手。有網友更在網上流傳，話之前的紅色PLAY！系列可能從此絕版唔再出，想買都冇得買㖭！不過都唔出奇，唔出咪唔出囉，舊嘅唔去新嘅又點嚟？不過紅色PLAY！系Tee連日來在網上交易市場再度活躍，多咗唔少網友放Tee，不過Mark價又唔見高咗，其中一件紅色大心中間有PLAY字樣的Tee在eBay拍賣價只係$200起，9成新（計落都算抵），趁低價買番件當收藏反而抵。本來對一眾後生仔遙不可及的玲姐自從推出PLAY！系列Tee同PoloShirt之後，就好似出巡的皇帝一樣咁親民，難怪PLAY！咁受歡迎。