會考放榜大日子，先上Forum聽聽5位應屆考生的心聲：
1.Doris留言說：「放榜喇……好多人都話盡咗力就得，但係盡咗力但考得唔好，我好心UP！我個FD話有時應該要認命……但咁樣安慰自己，我自己又接受唔到。」
2.網友公主則覺得：「開心又係要過，唔開心都係要過……考完嘅嘢就畀佢過去啦。如果升到嘅咪升囉，升唔到嘅大把出路啦，REPEAT多年都得㗎。」
3.雪翔：「要改成績都冇得改，一切已成定局。倒不如Hopeforthebest,preparefortheworst！」
4.婷：「我今日又發噩夢，about放榜日嘅，係會考後嘅第3次！次次發夢都唔開心嘅，有一次仲夢見自己得8分，喊住咁叫老師收留我！會考前就夢見自己會考考試遲到，做唔切D卷……諗起放榜，就想喊。」
5.22等兵：「會考放榜喇~~我就好緊張呀~~好驚拎蛋or拎一條腸返屋企呀！如果rep.中5嘅，好多sub.都轉晒，又會跟5上wo，前途一片灰暗。」
看來大部份應屆會考生還是很悲觀。他們除怕自己考得不好外，亦很害怕家長的反應。呢個時候，又係考驗親子關係的關頭。新聞都講，6成會考生希望獲得家人的支持，那怕只是一句鼓勵說話，大忌係拿成績和其他人比較，亦忌說「一次失敗成世失敗」之類的說話，明白無？這番說話其實年年都有人講，但又有多少家長做得到呢？