有傳王菲的初生女兒有兔唇，可能是由遺傳基因或環境所致，整形外科醫生林禮根醫生說：「兔唇形成嘅原因有兩種，一種係遺傳因素，基因染色異常，或者係病毒感染，另一種外來因素係環境所致，長期處於放射性嘅環境會引致兔唇。治療方法可以做整形手術，起初可能會有少少疤痕，但隨住年紀漸漸長大，疤痕會冇咁明顯。」
另一方面，王菲懷孕期間曾經搬屋，似乎犯了中國人傳統「懷孕不宜大動土木」的禁忌，堪輿家李丞責說：「懷孕期間唔可以動土，呢個係傳統習俗，道教上嘅胎神係保護胎兒，唔同時期胎神會喺唔同嘅位置，一般人唔識計嘅話，喺懷孕期間絕對不宜搬屋，咁係會破壞胎氣，嚴重嘅可能會小產。」