大小便失禁是老人家的「剋星」，便急之苦，外人難以言喻。七十三歲的冼伯，近半年飽受失禁困擾，褲子輪流更替至不敷應用。由於醫療開支大增，又沒餘錢購買成人紙尿片，惟有採取「忍」字訣。
七十多年來均沒有大病痛的冼伯，今年初因小便刺痛，及多天沒有大便，經診治下才知患上失禁，自此生活作息大亂。「唔去得遠，驚便急起上嚟，冇廁所去。幾條褲輪住嚟洗，濕完一條又等佢亁，次次滲咗出嚟又唔知。不過，我搬入嚟五年都未買過褲，全部褲都係啲老友送嘅！」望着一條條「孖煙囱」，冼伯尷尬地訴說失禁令他日常生活的諸多不便。
蘋果基金撥款紓困
就失禁困擾，這半年來冼伯向公立及私家醫生求診十多次，開支達二千多元，入不敷支。
「睇咁多次，個病都係咁，隔一、兩個月就劇痛一次，睇完好番又再痛，真係冇符。」未知是否受病情影響，上月中他在家門外石椅坐着，突然暈倒跌傷頭部，幸有街坊相扶及將他送院，救回一命。
「呢個病真係令人好唔方便，我攞綜援慳埋慳埋嘅錢，都用嚟睇晒醫生。𠵱家都唔敢亂用錢，以前每日用三十蚊，𠵱家惟有用二十蚊，驚自己唔知幾時又要用錢睇病，到時冇錢醫，仲慘！」冼伯歎道。
對於購買成人紙尿片，冼伯斬釘截鐵地說，「我仲邊有錢買呢啲奢侈品呀！條褲整濕咗，惟有洗一條着一條囉！」
蘋果日報慈善基金即時撥款五千元，助冼伯醫病及購買紙尿片之用。
捐款編號：C2115