劉德華、鄧麗欣和張敬軒昨日到港台出席活動，鼓勵一班今日放榜的會考生。華仔以自己當年考第尾留班的痛苦經歷，鼓勵在場200多位考生要永不放棄。
今天是會考放榜的日子，劉德華、鄧麗欣和張敬軒昨天與特首曾蔭權出席港台舉行的「會考放榜打氣大會」，鼓勵一班應屆會考生。華仔幽默地為在場200多位學生打氣，他仿效曾特首坐得板直的坐姿，更令學生開心不已。
憶爆粗事件
華仔在台上被問有沒有做過鹵莽的行為，他坦誠分享當年在電視台爆粗一事說：「當時我大概講咗杏色同橙色嘅嘢，跟住收咗300幾個投訴。當時我唔知問題，因為我已經問過好多部門都話可以咁講，仲同傳媒對質，最後有日一個媽咪指劉德華做嘅一切都要係啱嘅，於是我果斷地同傳媒講對唔住。」
曾面對會考的華仔，覺得學生們應永不放棄，而在圈中出名勤力的他，於中學時已訓練了毅力。他說：「記得我讀中文小學有狀元級嘅成績，點知升咗英文中學，中一時英文考試只係得8分，重考第尾，最終因為英文唔及格要留班，俾媽咪鬧咗好耐，於是我努力補習。」
新碟贈特首
活動上，華仔和曾特首密密斟，他說：「佢問我呢排做緊乜，我話我出咗新碟叫《聲音Voice》，如果有機會就send畀佢聽。佢對於《瘋狂的石頭》好有興趣，仲叫我有機會介紹多啲內地電影，我會叫同事聯絡佢，冇理由叫特首打畀我㗎。」
另外，鄧麗欣回想她會考都已是六年前的事，她說：「雖然𠵱家叫學生唔使緊張，但記得當年臨放榜都好驚。」
採訪、攝影：王連連
