有時行開連卡佛，每見到那種維多利亞式的精緻工藝，更每每發現是出自印度藝匠手筆，充滿誘惑。可惜，價錢吸引唔到我！但原來香港有個長期開倉的印度精緻工藝品小型貨倉，以工廠區的價錢，賣的卻是歐美貴族百貨公司的水準，連方逸華都帶過隊上來掃貨，因全是只此一件出口歐美的貨辦，嘩！今次真係執到寶！
記者：馮敏兒
簡約磨砂燈慳5嚿
身高17吋，上有磨砂刻字的陶瓷座枱燈，閒閒哋比街價平5嚿！另有手繪典雅細緻的玻璃香水瓶，有大小不同Size，統統獨一無二，冧女必殺。
實銅花瓶平過原材料價
這件9吋高銅製花瓶唔買對唔住自己，單是以如日中天的銅價，已經貴過售價，重量十足，鎮得住，好有份量。
馬賽克油燈浪漫逼人來
中國製造有咁嘅價錢，都無咁出色嘅維多利亞式華美，國產就是給印度比了下去，尤其那種對英國貴族品味的理解。
鋁合金扮瓷器跌我唔爛
我最鍾意就是這隻碟，充滿自然美態，拿上手仲以為是瓷器，原來竟是鋁合金，我被騙了。
巨型銀鹿燭台賤賣找真主人
貨品中最貴這件，如果親眼見到甚至用雙手拿起，就會明白佢非常超值，11吋高鹿形不銹鋼蠟燭台，唔講得笑，就怕家中沒有相配的飯枱。
貴族夜冷倉
查詢：25228240
地址：觀塘成業街15-17號成運工業大廈8字樓23室（觀塘地鐵站B出口）
時間：星期一至五12pm-8pm、星期六至日12pm-6:30pm