蒙嘉慧早前成為護膚品代言人，上周拍廣告時最難忘兩日內敷了50次面膜，似換膚50次。上周生日的她透露今年連環慶祝生日，食了九個蛋糕，試過切插滿蠟燭的「乳豬蛋糕」，令她笑不攏嘴。
繼陳慧珊、宣萱後，蒙嘉慧成為Neutrogena新任代言人，上周她在影樓拍攝電視廣告，穿上純白吊帶裙、背心短褲等，配合簡潔主題，大sell清新自信。
蒙嘉慧開心說：「雖然我平時比較硬朗，但其實都好貪靚，今次係第一次做護膚品代言人，好開心。成個廣告都冇稿、冇對白，同平時拍戲好大分別，所以全部對白都係我自己嘅親身感受。最難忘係拍咗兩日，我搽咗差唔多50次換膚面膜，好似換膚50次咁！」上周四（3日）是她的生日，故拍攝期間獲贈朱古力黑松露生日蛋糕、水晶花束及禮物籃等，令她喜出望外。
乳豬插滿蠟燭
此外，蒙嘉慧昨日在將軍澳電視廣播城出席新劇開鏡禮，眾演員起哄推曾與她傳出姊弟戀的黎諾懿獻吻賀壽，黎諾懿嚇得連忙逃跑，心情靚絕的她見狀笑個不停，並說：「其實生日已經過咗，不過今年好多朋友同我慶祝，食咗九個生日蛋糕，打破咗舊年七個嘅紀錄。最好笑係有次啲朋友同我開自助餐派對，我一心諗住等切生日蛋糕，點知推出嚟係一隻插滿蠟燭嘅乳豬，笑到我停唔到口。」
採訪：StephenieYeung
攝影：RickyIp
