葉姓婦人疑患上抑鬱症不能自拔，港大防止自殺研究中心臨床心理學家黃蔚澄表示，中心03至04年進行的調查發現，全港15至59歲人士中，約一成人有嚴重抑鬱症徵兆，包括不想見人、認為自己一無是處、持續失眠，甚至有自殺念頭等，情況頗嚴重，但他強調抑鬱症只是「情緒感冒」，及早求醫便可根治。
「死控訴」屬精神暴力
黃蔚澄謂，抑鬱症患者需要家人及朋友支持，但不局限於情緒支援：「好多人誤解咗socialsupport（社交支持）只係聽吓朋友講心事，其實仲包括資料支援、客觀分析朋友嘅諗法，同埋物質或財政上嘅支援，呢啲都係唔可以忽視嘅。」
市民可上網自行評估抑鬱指數（ http://www.depression.edu.hk），必要時向專業人士求助。
和諧之家協調主任葉長秀則譴責以死控訴對鄰居的不滿，是嚴重的精神暴力：「咁做會留下一個永遠嘅遺憾畀其他人，呢種咁嚇人、咁恐怖嘅手段，小唔過身體暴力，絕對唔應該咁做。」
主動示好改善鄰里關係
常言道「遠親不如近鄰」，葉長秀說香港人的鄰里關係一般，產生誤會不出奇，若想改善鄰里關係亦不難：「首先，要主動示好，雖然示好後人哋唔接受都幾面懵吓，但久而久之總有一日會感動佢嘅；好嘞，真係好冇反應㗎，咪算囉，用番平時嘅態度就得，唔需要好刻意咁做啲嘢出嚟；最後，如果關係真係差到相處唔到，搬遷係解決方法，唔係話邊個怕邊個，只係想畀你知，你都可以選擇乜人做你鄰居。」
