經常都會見到啲人問，究竟用「真空煲」定「高速煲」煲湯好？前日上「親子王國」個烹飪錦囊討論區，見到有人又問呢個問題，班網友仲七嘴八舌各有意見。
有人認為高速煲煲湯夠晒快，半個鐘頭就煲好湯，而且有明火效果；滾湯的話更只需5分鐘就搞掂，非常慳時間，尤以Fissler呢個牌子的高速煲，最多網友推薦兼口碑最好。
至於真空煲，好多網友都讚佢勁慳火路又安全，最正係返工前煲落，放工返屋企就有得飲！不過有用家詬病，真空煲煲湯，滾則滾矣，不過啲湯料唔多出味！在此教大家一個秘技，只要將「真空湯」在臨飲前，以明火快滾10分鐘，啲湯會變得有如明火湯咁出味，唔信大家可以試吓！