DC已經玩咗幾年「生活防水」，即係有限度嘅濺水唔會損壞部機，如微雨、沙灘玩耍等環境，到家陣連三洋部新DVXactiCA6都引用呢招，實用性當然增大不少，所以由公布開始，已有唔少人期待實物推出，連旺角電器舖都話接到唔少定單。雖然代理仲未落實邊日派貨，不過據官方最新消息，XactiCA6已鎖定喺8月17日左右有售，對於喺暑假尾有個壓軸Tour，應該趕得切出部新機去玩。
三洋C系列DV以「手槍」外形聞名，憑住拍片同影相功能兩邊都有不俗表現，所以幾代型號都賣得唔錯。新機XactiCA6除具有637萬像素CCD及5倍光學變焦外，更配備ISO3600超高感光度，在晚間昏暗環境都捕捉到畫面，而且內置剪輯功能，分段再重組都得，絕對方便到唔識用電腦剪片嘅用家。
記者：徐影龍
查詢：三洋電機（21936528）