警員查案時不時要「扮鬼扮馬」，於掃黃行動中更可能要犧牲色相，案中隸屬灣仔特別職務第2隊的兩名警員，就先後「鼓起勇氣」到同志鴨店放蛇，其中加入警隊十多年的姓梁警員指：「可能係阿Sir覺得我個樣似『基』，所以揀咗我去放蛇啦！」他稱試過為查案，在「基吧」被摸屁股。
梁警員表示，每次到涉及同性戀者的賣淫場所放蛇前，必須做足工夫，如上網瀏覽有關網頁、同性戀者常用的聊天室，以了解他們心態及習慣，學習他們的術語及溝通方法。他表示：「有時落基吧查案會蝕底㗎，俾人摸屁股又覺得好尷尬，感覺好唔舒服，不過今次都成功破案！」被問有甚麼的同性戀者用語時，他笑而不答稱是查案機密。
一般人都會對需要到「色情架步」放蛇的警員存有疑問，究竟他們的太太或女朋友會不會表示反對？她們會否呷乾醋？梁警員笑指：「都會唔鍾意㗎，所以我冇同女朋友提過有關行動，佢唔知㗎！」
本報記者