黃金嘜砌機除咗硬件自由配搭外，最大優勢就係夠平，有網友就喺電腦討論區發起Post，疑問是用一千蚊出唔出到機，仲話用嚟放喺廳，駁電視睇VCD、DVD，做其MediaCentre！所以顯示卡要有內置埋TV-Out咁話。嘩，咁高難度，網上即時就有人Reply話咁高要求又要平，只有用二手貨，條數點計都計唔掂。甚至有網友提議話不如買部XBOX一代用住先，仲可以打埋機㖭，呢招的確唔錯。另外亦有人唔知係講真定亂噏，叫人用32MBFlashDisk，由網絡下載Linux使用，可以慳番個硬碟同原裝Windows咁話喎！筆者就話一嚟Linux少人識用，民用根本唔普及，二嚟咁玩法不如買部DVDPlayer播片播歌好過喇！睇嚟Post文嘅仁兄，都係預備多少少Bugget砌機比較實際喇，反正家陣砌部電腦千九蚊已有找，唔使算得咁盡啩？ 記者：許福合