每次行Toysrus都特別開心，唔單只個仔興奮，就連我都常常被那些新奇玩意吸引，不能不輕歎一句世界太好玩。但時間太可貴，阿仔有得玩就要盡情玩喇！老頭子今日就帶你去盡情入貨，同你去一個平時入唔到場的玩具樂園吧。哈！10蚊件玩具，仲有Mattel等名牌，低至1折，爸爸「豪」得起！
記者：馮敏兒
$5帶路寶治返屋企
路寶治機械人雖然過氣，但在我個仔和女心中依然無忘記過他們。當時無買約6"高的洛尼（左）和凡帝，雖然遲了點，荷包卻覺安慰！
$10陀陀擰
考考你的平衡力，小朋友隨時勝過大人。阿仔你已經5歲，在說明上你有資格同爸爸一較高下，Tipit百變陀螺出招喇！
過癮打掃機械車
救命呀，唔好追我，我唔食得㗎，救命呀！哈哈哈你走唔甩㗎……這部約5"高的路寶治打掃機械車真好玩。看我的，我嚟喇！
益智Scrabble
玩英文拼字遊戲老竇從來最水皮，等我介紹個叔叔同你玩。記得個個字都要查字典驗明正身。快快快，Scrabble派對英文拼字遊戲68折開波喇！
半價玩蝙蝠俠UNO
長情不倒遊戲UNO當然是我的最愛。尤其開派對就一定唔少得佢，既然你咁鍾意蝙蝠俠，送畀你保管當然無問題。
嘩！2折買起芭比舞台組合
嗱！阿仔，呢個芭比舞台Show就由你送給妹妹吧，佢一定會開心到飛起，配多套靚靚衫，我唔信佢唔聽晒你話。
日期：8月8-12日（上午10時至下午6時）
地點：葵涌貨櫃碼頭南路18號4號貨櫃碼頭和黃物流中心辦公室大樓903室（葵芳地鐵站A出口轉乘小巴87M直到）
查詢：28959622（大昌華嘉香港有限公司）