八方近嚟喺地鐵站頻頻撞到佢哋一班經理級高層人員，最高級嗰個仲係排喺CEO周松崗之後，坐第二把交椅嘅物業總監何恒光。 打聽之下，先知原來地鐵高層空群而出，參加咗地鐵一個自願計劃，叫做收養車站。地鐵一共有53個車站，共有53個經理級高層參加，每人收養一個站，每個人都要抽空親自落去車站，同車站職員同乘客傾偈，了解車站運作，然後向地鐵嘅跨部門小組提交改善建議。 八方問點解周松崗無份?係咪佢偷懶抑或無愛心，支針就話CEO要照住全公司，當然唔可以偏向任何一個車站啦，而佢都有定期去晒所有車站㗎。