鄧萃雯噚日以青少年愛滋教育中心大使身份，出席中環舉行嘅記者會，雯女多年前喺網上電台主持性熱線，佢認為現時港人性知識貧乏，佢話：「試過喺電台節目有個中年男人打電話嚟講，話覺得𠵱家個女朋友好，所以唔使帶（安全）套，愛滋病唔係你覺得冇就會冇，但無論點講點解釋都好，佢都話冇問題。其實咁樣好危險，危機意識不足，好易令愛滋病擴散。」