煲呔表哥香灼璣俾傳媒踢爆，原來違規佔用觀音山嘅官地咁多年。璣哥搬入去嘅時候係83年，當時嘅沙田政務專員，咁啱就係煲呔！話晒沙田坳嘅觀音山，都係沙田區範圍，唔知係咪煲呔主政沙田不力，先至可以畀璣哥有機會廉價住豪宅。 煲呔同璣哥係親戚，雖然冇乜證據話煲呔偏幫自己友，但話晒呢單嘢係煲呔喺沙田做嘅時侯發生，煲呔係咪應該都出嚟交代吓，點解璣哥可以喺83年，將個倉庫當正豪宅嚟住呢？