吳卓羲、關心妍（Jade）和應采兒昨日到朗豪坊出席護膚品記者會，應采兒表示得悉陳小春前日遇上交通意外後嚇了一跳，她說：「我以為好嚴重，以為佢冇咗呀，好彩佢冇事出咗院，我都有sendSMS問候佢。」
小春隱隱痛
陳小春昨日則在尖沙嘴見記者，他表示在醫院檢查時已照了X光，他說：「醫生㩒我每個位置都唔痛，我就覺得深呼吸同郁得快就有啲痛，但唔知邊度痛。醫生問我下面有冇撞親，我好尷尬話冇事囉。」
小春又謂因為前面車輛切線，令他甩尾才發生意外，他第一時間郁動手腳，之後就爬出來，當時還有三個好心人幫忙。小春表示暫時不敢駕車，他說：「好多朋友打電話問候我，有朋友鬧我唔帶護身符，我返屋企搵番，全部斷晒線㗎，呢次係我最驚嘅一次。」
此外，吳卓羲談到將JohnnyDepp讀成JohnnyDeep，他說：「我會睇多啲《英語一分鐘》。」
採訪：魯萍、張俊銘
攝影：陳志嵐
