一場颶風掀起全城公憤，堅拒掛八號波嘅天文台台長林超英繼續成為風眼，巿民連日喺電台鬧到口水乾，都未能將台長地位動搖絲毫，一眾被吹到「甩頭甩髻」嘅巿民惟有以其他渠道發洩。有巿民自製「長肛日報」，以富商捐款十億予天文台為題，話富商希望筆錢可以用作取消八號波之用，建議天文台將監測風速器放喺海底隧道或者長江中心，並將恒生指數升跌加埋入去掛乜風球考慮之列。
有網友就提議將天文台改名為「膠文台（HongKongPlasticatory）」，講吓掛波新舊制，建議新制底下，所有風球都改做3號風球，林台長做嘢會唔會輕鬆啲呢？