講真，有時睇日本車書真係唔多開心，事關佢哋成日用好多黑白做內頁；好似今期《BestCar》＄30一本，大半本都係黑白，打開真係俾佢哋激死。
你唔好買，等我講吓內容畀你知算喇。CoverStory係新款SuzukiSX4，「無啦啦」放隻花貓喺部車車頂囉！隻貓雖然望落都好似幾靚，但同部車始終係格格不入嘛！講番部車，新推出嘅SX4，造型靚過晒以前，不過車頭望落有些少似Swift，車廂空間Sell闊落，放低後排可以增加尾廂空間嗰類招數，引擎則有1.5及2.0公升型號供選擇，其中後者可輸出多達145匹馬力。
記者：鄭達基