銀行每次宣傳新產品，都要搞到有咁大得咁大，仲要夠特別，好似噚日渣打孖住保誠推出新退休入息計劃，就出動80個着白色polo恤嘅員工，喺中環、銅鑼灣、觀塘，同埋旗下64間分行，派出2萬個貼晒宣傳標語嘅「青蘋果」。 八方八到佢哋唔只對外做足工夫，連自己友都唔放過，喺內部搞咗個「健康財富日」，請大家食晏、提供驗身檢查及理財資訊，梗係，員工都要退休，幫襯番自己，咁就肥水不流別人田啦。