梁詠琪年初跟鄭伊健分手後，經過半年時間治情傷，近日她已收拾心情投入新感情。日前她在台北被拍下跟一名貌似蜘蛛俠主角的老外，在咖啡店歎茶歎足三粒鐘，她被問到跟對方關係時表示跟他暫時只是朋友，但看來大有機會發展成情侶。
梁詠琪（GiGi）年初跟拍拖近七年的鄭伊健分手後，曾逃往日本和英國療情傷，而鄭伊健一邊廂被傳跟舊愛邵美琪復合，同時又跟周麗淇傳緋聞。不過GiGi也不甘示弱，日前她在台灣被拍到跟一名老外在咖啡店拍拖歎茶。
外形合襯
繼張栢芝曾跟老外拍拖後，GiGi也急不及待跟老外墮入情網。跟鄭伊健分手後的她看來跟老外特別情投意合，3月時她在港參加世界自然基金會活動，被指搭上高層Andy，而上周六（5日）下午記者目擊她與一老外在台北大安路的「buosi」咖啡店拍拖，老外身高超過六呎，與高䠷的GiGi十分登對，相貌更似足《蜘蛛俠》的杜比麥奎爾（TobeyMaguire），但離開時露出肚腩，有點美中不足。席間兩人全以英文交談，翻版蜘蛛俠對GiGi十分溫柔，總是主動找話題，GiGi先講自己的指甲，老外馬上搶着說想修甲，二人更不時相望而笑，他們這一頓茶足足歎了三小時才起身離去，老外還非常有風度地主動埋單。
朋友介紹
記者昨日致電給身在台灣的GiGi求證，她說：「呢位外籍朋友係台灣一位朋友介紹我認識嘅，我哋只係朋友關係，只係見過兩次面，頭一次係一班朋友出嚟時，由朋友介紹我哋識嘅，而5號當日，介紹我哋認識嘅朋友又約埋佢一齊食飯，食飯前先去飲茶，但朋友遲到嚟唔到，後來我哋就轉去另一間食肆會合佢，唔好咁敏感，我哋真係朋友關係。」據知老外非常欣賞GiGi，所以透過朋友再約會她。
採訪、攝影：黎寶蘋
