都係嘅連鎖飲食店，唔搞番啲噱頭嘢都唔使旨意出到位。點出位？儍嘅都知要從廣告入手，廣告又搵乜乜物物星做代言人？唔係唔得，條橋悶啲咁解啫！相信近日大家都一定睇過PizzaHut個廣告，地鐵、巴士、電視、雜誌都總會見到呢句──「三文魚去咗邊？」仲有張得番半條嘅三文魚貼紙周圍貼，引人注意。廣告鋪天蓋地，無非為宣傳挪威三文魚忌廉芝心批同芝脆批正式登場，第二輪宣傳呢？今次搵一班靚女扮美人魚穿梭港九新界，同廣大市民一齊搜索三文魚咁話。計我話PizzaHut今次一定係轉移Target到一眾男士身上，當見到成班麻甩佬一昅到美人魚，就跑到連鞋都唔要、唔顧危險跑出馬路攞簽名，就知宣傳策略成功喇。想昅？最後機會8月12及13日3:00pm-7:00pm，地點朗豪坊及旺角行人專區，帶定相機去喇。
記者︰方綺君