劉德華最近推出的唱片都有新搞作，而今次新碟附有的相集，除了是他的靚相外，還有很多語帶雙關、讓人反醒和思考的地方，如他像「沙甸魚」般擠在一個鐵罐中、臉向有一道小門的牆壁等，道出都市人不斷面對壓力，又或很多人需要戴不同面具示人，但最終一句還是要坦白地面對自己的心。
劉德華的新碟《聲音voice》今天推出，除了封面相外，碟內相片均十分有意思，主題大概是環繞現在都市人面對壓力等問題，以及有很多人需要戴不同面具示人。
浸水幻想多個我
照片中，有一張相是多個華仔塞在一個鐵罐中，他昨天到商台接受訪問時，形容此張相片為「沙甸魚」，他說：「影呢張相嘅時候，我要浸喺水中，做出唔同嘅表情，因為只係得我一個喺水中，所以要自己幻想好迫嘅感覺，先可以做到咁多個表情。」
華仔續說：「但有一張相，牆上面有好多個表情，呢張相最難，因為唔可以只係影唔同嘅表情，仲要計番張相嘅光源，所以要企喺唔同高度影，都影咗差唔多三個鐘。」
還有一張相是華仔苦惱地面向牆，該牆上卻有一個細小的門口，他說：「影呢張相嘅時候我都有畀意見，其實有兩個意思，第一係話只得一個好細嘅出口，又可以係話𠵱家好多人都將自己放大咗，不過最後都係話，其實大家應該得閒睇吓自己心入面本書。」
六百歌詞破紀錄
另外，華仔最近派台歌曲《觀世音》，由林夕操刀填詞，用上六百多字打破華語歌最多歌詞的紀錄，每段歌詞都沒有重複，華仔說：「呢首歌我好鍾意，因為歌詞好有意思，我唱歌廿幾年，未試過有咁多歌詞，我諗緊現場唱點算，我想好似電影《修女也瘋狂》（SisterAct）入面，搵合唱團唱一部份，但最多謝係作曲嘅方大同同監製藍奕邦、陳德建，呢首歌唔同我平時唱嘅R&B，佢哋唱咗個版本教我。」
採訪、攝影：王連連
