長沙市噚日嚟港招商，副市長向力力梗要講吓，中央為扶持中部崛起嘅豐功偉績，今年舉辦首屆中部投資博覽會，介紹中部6省的投資環境，首屆會喺9月24至28日在湖南長沙舉行。特首曾蔭權會帶300人代表團去捧場。
當向力力介紹本港財團喺當地嘅投資情況時，其中一項較特別嘅係，恒基兆業最近喺當地投資超過10億銀，搞乜？咪教育城囉，仲負責為職業培訓提供校舍宿舍等設備，呢一瓣恒基以往較少投資，今次之所以會揼錢落去，可見恒基對中央嘅政策方向睇得幾準，因為「十一．五」規劃明確要求地方政府，要將以往重視基建房地產投資，轉移到社會事業，例如醫療、教育等。
以長沙市為例，今年開始就將在教育投資方面增加20%，民辦教育可以享免地價，增加投資回報吸引力。咁你話恒基反應幾快呢？