無綫總經理陳志雲噚日錄影收費電視節目《志雲飯局》，對於日前無綫同有線喺內地採訪張栢芝期間發生衝突一事，佢話：「我都識嗰個男記者（指撞到有線女記者的無綫男攝記），平時都好斯文，相信唔會專登用暴力，我都唔覺得栢芝偏幫有線，佢都有同我哋做訪問。」問到六叔邵逸夫會唔會去呢個禮拜六（12號）舉行嘅港姐決賽，佢話：「我冇聽過六叔話唔去喎。」