日日喺立法會坐足十幾個鐘，都咪話唔辛苦，尤其腳長長嘅余若薇要成日屈住隻腳，結果竟然搞到抽筋，夜晚瞓得非常唔好。好彩佢星期二就會飛去新西蘭會合囡囡一齊度假，補充番精力。呢排講嘢講到口水乾晒嘅阿涂仲快過余大狀，噚晚已經飛去法國玩番兩個禮拜，近日佢最難忘嘅，係有一晚無嘢食，只能硬啃五個豬仔包，成為豬仔包王！