美國聯儲局明日議息，坊間估計唔加息多過加息，即使加，都係加1/4厘。港股上周五散160點後，相信反覆一陣之後，個市又會彈番上去，收復萬七大關。
國壽C輪3603：國壽（2628）上周五收13.00元，單日跌0.12元，1周埋單唔見0.10元。國壽實淨鐵股，通常跌幾格又爬番起身，睇位買C輪博賺短線錢。
最靚國壽C輪係3603，10月尾到期，輪價1.82元，溢價2.5%，槓桿率7.1倍（有效5.8倍），引伸波幅32.7%。
隻輪睇落係大價輪，未必啱散戶胃口。其實隻輪係每份兌1股正股，如果好似一般備兌輪10份兌1股，則輪價就係18.2仙，會有更多散戶做買賣。
平保C輪3669：平保（2318）亦係有勢鐵股，吼位買C輪，有機會執錢。
最多成交嘅C輪係9528，明年1月到期，但溢價13%，槓桿率7倍（有效槓桿率得4.2倍），買唔落手。第2熱門係3678，10月下旬到期，輪價35.5仙，溢價6.1%，槓桿率7.1倍（有效4.9倍），引伸波幅51%，條件勉勉強強。
第3熱門係3669，與3678同月夠鐘，輪價3.75元，溢價3%，槓桿率6.7倍（有效5.4倍），引伸波幅38.2%，又靚過3678好多。
章盛