今日係農曆七月十四盂蘭節，即係陰曹地府的OpenDay，陽間成為無數鬼魂的度假勝地，滿城鬼影幢幢，街衣祭品俯拾皆是，格外陰森恐怖。唔敢夜蒲怕見污糟嘢？麥玲玲師傅話齋，呢個月唔想招陰，「精神」二字行頭就冇有怕！跟住大師教路自然趨吉避凶，咪儍吓儍吓化咗個大凶妝出街都懵然不知呀！
記者：盧家蕙
攝影：楊錦文、周旭文
Model：Niketa&Yan
MakeupArtist：Benjamin（GIORGIOARMANI）、Emmy（BEAUTEdeKOSE）
HairStylist：Doll
飾物贊助：Ans（27882966）
最忌冇喱神氣
小記就鬼節一事訪問了堪輿學家麥玲玲，她說農曆七月是上半年及下半年的交界，特別容易招惹陰靈，更說眼睛不夠神者，命格又屬招陰一族，就最易中招！有幾多人天生烱烱有神、王小虎關刀眉先？所以「擋煞妝」絕對有根有據，且聽麥師傅的高見：「艷紅鮮綠的眼影唔好掂；smokyeyes太陰沉；nude妝冇喱神氣，化咗等於無化，面冇血色，又係大忌。」她續說：「一堂整齊嘅濃眉、粗眉可增加法氣，雙眼充滿神采，自然精神百倍。」髮型方面呢？「切忌遮遮掩掩，披頭散髮點會吉利？揭開額頭，用髮夾夾好，露出寬額、充滿光澤的印堂，咁就無嘢敢埋身啦！」
麥師傅說深沉嘅黑、灰、棕色衣服皆不宜，紅衣則似厲鬼，最好就着白、米色及似足符咒的鮮黃色衫。仲有千祈咪買不明來歷嘅古玉及二手衫褲，可以名正言順入新貨了。
雙眼要有神
單眼皮予人浮腫、欠缺神采之感，眉毛淺而疏，加重中招危機！急救方法是加強眼部輪廓，令小眼睛重現光彩，面容蒼白亦要加重胭脂及highlight，才可擊退陰氣！
妝容
1.把眼窩分成2部份，前端塗金色眼影，後段則掃海藍色。
2.為了增強法氣，把眉毛梳好及以眉粉補上色彩。畫黑色眼線及掃睫毛液，畫銀灰色下眼線。
3.輕掃棕紅色胭脂，改善蒼白臉色。塗粉紅色唇彩。
髮型
瀑布般的長直髮，稍微吹散便亂得不似人形，最好是清爽地梳成一條長馬尾，亦可把它捲曲，感覺更成熟美艷。
1.用橡筋束起長直髮。隨意繞上喜愛的髮飾，馬尾噴hairspray。
2.以曲髮器把長髮捲曲成「豬腸頭」，感覺更豐盈及充滿彈性。
神氣妝物
（AllfromBEAUTEdeKOSE25063000）
我想講
Zoe：我唔知額頭要露出來，黑衫都唔着得㗎？
Esther：我都信綠色同紅色妝容比較易惹猛鬼。
面頰夠紅粉緋緋
如果面容沒精打采，唔好講鬼，人都唔開胃啦！要打散黃氣，可塗上liquidfoundation後，選擇以粉紅色作主調，面頰重拾紅潤光澤，自然精神爽利啦！
妝容
1.不想妝容濃厚，最好用化妝掃沾上粉底液再掃開，感覺更均勻細緻。
2.用眉筆加深眉色，幼眉、短眉者最好把眉毛畫得更長更粗。
3.淺粉紅眼影塗眼窩，再掃粉紅色，眼尾塗紫色。畫黑色眼線，暈開，塗睫毛液。
4.掃淡紅色胭脂及塗粉紅色lipgloss，眉骨掃杏色眼影。
髮型
師傅話長髮劉海齊陰就最棹忌，由於model頭髮比較稀薄，紮起馬尾條辮太幼，又貼頭，點搞好呢？
1.以橡筋束馬尾，塗hairgel，打散馬尾，執起一撮頭髮繞實橡筋，以髮夾固定。
2.把額前劉海撥向側面，以髮夾夾好，用手把頭頂頭髮摷鬆。
紅面妝物
（AllfromGIORGIOARMANI25327733）