今個星期三（9號）就係中學會考放榜嘅大日子，何韻詩應新浪網同學友社邀請做今年嘅「SMS放榜通大使」，噚日佢出席學友社搞嘅中五會考放榜講座時，以過來人身份同應屆會考生分享自己讀書同考試嘅經驗，阿詩話：「細個我係優異生，但我哥哥仲勁，全年數學一百分，搞到我好大壓力。當覺得有壓力嘅時候，我先會自閉，跟住先搵朋友傾訴。」