軟硬天師前晚尾場演唱會邀得郭富城任嘉賓，繼續玩改歌詞將城城買新車及演《歌聲魅影》亞洲版等新聞，以歌唱出大玩對方及小美，引得哄堂大笑。臨完場時，林海峰唱出《好兄弟》後，跟葛民輝握手互擁，似粉碎不和傳聞。
軟硬天師葛民輝和林海峰（Jan）前晚舉行第10場、即最後一場演唱會，捧場的藝人有張智霖及袁詠儀夫婦、楊千嬅、古巨基和莫文蔚等，表演嘉賓是郭富城，三人在台上大講不文笑話，阿Jan要城城除衫，城城反叫他除衫，阿Jan笑說：「喺前輩面前，後輩唔敢。」之後他指着心口說：「呢度喺前背，背脊係後背。」又指着臀部說：「呢度係斷背。」城城反駁說：「嗰個係寶貝。」阿Jan即說：「寶貝喺前面。」
可以赴湯蹈火
軟硬又將城城會演出《歌聲魅影》（ThePhantomoftheOpera）亞洲版一事，配以該劇主題曲唱出，歌詞更改為「阿王唱Opera，唱乜嘢話，阿王唱ThePhantomoftheOpera跳芭啦芭啦。」又將《強》的歌詞改成「強人是你，又有新車落地，係咁揸法拉利，舞台王者全世界嗌聲小美。」引得哄堂大笑。
臨完場時，阿Jan在台上多謝俞琤及胞姊林姍姍。而唱《好兄弟》時，阿Jan說：「咁蹺我搵到一個好兄弟，就係葛民輝。」阿葛在旁說：「佢早我28日出世，但好似一個船長，我就係水手，就算我發台瘟，都唔使擔心，佢實喺度。」阿Jan即謂：「我哋係赴湯蹈火嘅好兄弟。」之後兩人握手互擁，似粉碎二人不和傳言。
達明合作冇變
其後軟硬出席慶功宴，問跟達明一派明年合作開騷的計劃是否泡湯？阿葛說：「約定咗，一定會做。」至於達明是否不和，阿Jan說：「組合唔同方向都可以喺埋一齊。」
採訪：李珮洳
攝影：仇志德
