DIY文化在網上開花結果，前有「維基百科」成全球網民合力打造的「百科全書」，下至解決細眉細眼的生活問題，本欄每日為讀者推介一個最人氣DIY議題，其中智慧妙語連珠，包你大開眼界，唔使專家都可以DIY。今日就講講點樣除去價錢貼免留痕。一位自稱小學5年班的朋友在網上求救﹕「我試過用水浸都無用！」你是否都有這個煩惱？
網友方案﹕
1.先撕走，撕不開嘅就用潤手Cream塗上去，然後一齊挖走，好挖好多，最後用紙巾抹走啲Cream就得。
2.試吓用擦膠！
3.用熱水浸一陣可以把膠軟化，之後用布擦亁，再用強力膠紙黐佢，重複不停做，就可把那些膠貼弄走，當然要花點時間和耐性喇！
4.用電風筒的熱力吹價錢貼，或用洗指甲水、松節水、松節油都可以清除貼紙迹。
5.試吓用水濕一濕，再用工具刮，平直的工具如間尺、火酒好好多！
6.有支叫DE-SOLV-IT話暫時未有任何膠迹難倒佢！20多元1支，係幾得。但有回應說﹕「但我試起牆身啲膠紙迹，迹就抹了，但牆身的色就啞咗！用WD-40喇！」
7.我見媽媽用少量的生油浸那些價錢牌10幾分鐘，然後用手指細細力捽就甩咗，最重要是物件無傷痕，又環保。
8.用白電油就可以，白電油最好，又唔會整舊件嘢，最亁淨。