陳儀馨前晚病逝，不少曾經與她合作的藝人都深感惋惜，曾患乳癌的汪明荃得悉消息時，一度不敢置信，而肥姐沈殿霞則藉此呼籲世人要珍惜生命。
汪明荃：
「好可惜，好惋惜呀。以前一齊做《EYT》（歡樂今宵）時成日見，不過就唔算太熟，平時冇乜來往，因為嗰陣我好少做趣劇，佢主要做趣劇嘅。佢係個好幸福嘅女人，有錢、有老公又有仔女，我哋啲同事去親馬來西亞做騷，佢都好熱情招呼㗎，份人好nice。」
沈殿霞：
「我今朝已經知，好sad，個心好噏，佢做完手術平靜咗幾年，可能啲癌細胞去到淋巴先擴散咗，佢好珍惜生命，唔想走，有老公有仔女仲有錢㖭，不過有錢都冇用，冇健康。女士得閒要㩒吓乳房，自我檢查有冇硬塊，尤其生完BB後要餵人奶，咁樣乳腺先會通啲，患癌嘅機會都低啲。」