楊洛婷最愛一身古銅色健康肌膚，無奈天生皮膚白皙，即使曬黑了很快又打回原形。今個夏日，她決定爭取時間與陽光玩遊戲，四出玩水上活動之餘又學人搽黑鬼油狂曬，希望可以極速變成黑妹。
夏日炎炎，最適合出海玩水上活動，正所謂一白遮三醜，大部份女孩子因為怕被曬黑而對陽光卻步，不過選美出身的楊洛婷反而希望曬得一身古銅膚色，所以經常相約朋友出海玩wakeboard、釣魚和遊船河，實行與陽光玩遊戲。
水果當飯
由於楊洛婷天生皮膚嫩白，不易曬黑，她說：「我由細到大都好鍾意曬太陽，但曬極唔黑，只會有少少紅卜卜，但好快就白番，要狂搽黑鬼油（編按：指用來曬古銅色肌膚的太陽油）曬先會有啲效果，但都好快褪色，所以平時想有黑啲嘅效果就要搽啲特效lotion。」
中國人常說芒果、荔枝等水果較濕熱，不宜多吃，不過自幼在加拿大長大的楊洛婷從不理這些禁忌，覺得好吃便吃，她說：「我夏天好少食飯，但會食好多水果，最鍾意食荔枝、芒果同菠蘿，我唔覺得熱氣㗎，總之好食就食，唔理咁多。」
除了水果之外，原來楊洛婷更是無零食不歡，但仍能保持苗條身段，她說：「外國唔興減肥瘦身，我從來冇刻意節食，薯片同甜品係我嘅至愛，不過我有時都會做運動出一身汗嘅。」
採訪：卓寶花
攝影：陳俊強
服裝提供：XGame（尖沙嘴分店）
