雖然堪輿學家指出，閏七月不代表有兩個鬼節，更不會出現特別「邪」的情況，但本港還是有很多行業受這個錯誤觀念影響，生意大受打擊，其中酒樓食肆行業更是「重災區」，部份業界人士需要推出廉價酒席招客。
晚市食客減三成
香港餐飲聯業協會會長伍得良表示，每逢雙春兼閏月都是結婚好時年，所以不少人選擇在今年拉埋天窗，以今年首七個月為例，酒樓業的整體生意額較去年上升；但踏入農曆七月，選擇在這些日子擺酒的有情人則絕無僅有。
部份專營婚宴酒席的酒樓，生意更是大受影響：「閏年係多人結婚，但呢兩個月基本上唔會有人擺酒做喜慶事，即使啲人谷埋喺（農曆）七月前後搞，但一間酒樓喺同一時間接到嘅酒席有限，如果唔可以分番平均啲，對酒樓嚟講都幾困擾。」
香港飲食聯合總會副會長胡珠亦表示，除酒席外，酒樓部份晚市生意亦減兩、三成：「早、午市就同平時差唔多，但晚飯就少咗，或者真係同啲人想早啲返屋企有關，所以有行家會喺呢段時間推出特價酒席吸引客仔。」
紙紮舖10倍生意
酒店酒席的生意亦不見得好，美麗華酒店發言人胡輝顯表示，這兩個月幾乎沒有酒席，酒店惟有趁暑假多辦謝師宴，拉上補下。香港酒店業主聯會執行總幹事李漢城也說，相信要待農曆七月過後，生意才能回復正常。
有人將生意轉差歸咎於鬼節效應，但亦有人因鬼節大賺一筆。連續七代經營紙紮業務的寶蓮閣紙紮舖負責人江明仁表示，踏入農曆七月，生意比平時多10倍：「（農曆）七月同清明一樣，會多咗人嚟買衣紙，因為啲人除咗燒街衣之外，亦會順手買啲金銀衣紙燒畀先人。」不過，他說，不知閏七月會否令他們的生意額再上升，但由於仍有不少人誤會閏七月都有鬼節，相信會令「好生意」的日子延長。
本報記者