女仔鍾意趁青春留倩影，但係周麗淇（Niki）就鍾意做媽媽先影寫真。噚日佢同李樂詩（Joyce）、鈴木仁等都帶咗自己嘅作品出席港台嘅攝影比賽宣傳活動，Niki帶住兩幅喺加拿大影嘅風景畫，佢話：「坦白講如果我大肚，或者會影寫真集。我覺得大肚嘅女人好性感，感覺好warm，好似狄美摩亞大住肚影相就好有型。當然最好搵個女仔或者搵老公影，我覺得老公會最熟悉我嘅身體，幫我同個BB影相好溫馨。」
最近宣布同杜德智分手嘅李樂詩，對於杜德偉被指尋歡一事話：「我信得過Alex個人好亁淨同大方。我知佢呢段時間好煩，戥佢唔抵。最緊要唔好搞到杜老太，唔好畀咁大壓力老人家。」