香港油價貴，新聞報道說有5個偷油賊，晚上到在元朗街頭偷取貨櫃車的燃油，其中一部貨車更失去150升油渣。貨車油缸蓋有個鎖，一嘢就被人撬開，咁私家車得個爛鬼膠扣，咪仲危險？
無錯，我哋試過，以一個價值$10的火水泵，4分鐘就可抽掉約40公升的電油，即一部小房車油缸的容量。嘩，現時電油每公升$13.68，咁4分鐘就無咗$547。係咪好驚呢？
咁又唔使驚喎。我哋搵咗6部92年至06生產的私家車試過，伸入一條駁長的膠喉，嘗試吸走油缸的電油，結果全部失敗。我哋無論用甚麼方法，膠喉都不能直入油缸，就是伸了4呎喉入內，亦無法抽取電油，因為油缸內有個鐵網或U形位，所以各位車主，不用怕有人偷油，可能因為呢個原因，班賊只偷貨櫃車的燃油。
記者：伍旋卓
