狼代表生性兇狠，最愛食山羊！羊代表聰明純情，最怕被狼嗒！野狼同山羊係天敵，但係喺一個雷電交加嘅晚上，最怕行雷閃電嘅羊仔「阿咩」同膽小怕事嘅野狼「卡夫」竟然喺小屋遇上咗！因為實在太黑，佢哋睇唔到對方嘅真面目，竟然……
文：B女
狼之物語
性格：生性兇猛，單獨或成群活動。
特殊技能：有速度、有耐力，能以時速56公里追趕獵物，亦能用2個星期、走200多公里跟蹤獵物，能獵食善於奔跑嘅動物。
羊之物語
性格：活潑，好奇，適合群體或單獨飼養。
特殊技能：聰明，經常用精叻方法穿越圍欄，能輕易爬到彎曲樹上，亦會跳上車。佢差唔多咩都食，最愛食灌木和草，但有人認為山羊只係嚼，唔係食。
阿咩自小同婆婆相依為命，至怕風雨交加。
細膽嘅卡夫好珍惜阿咩，每次阿咩遇到危險，都會奮身相救。
阿咪係阿咩好友，知道阿咩要去野狼出沒嘅地方，奮勇相伴。
阿塔係阿咩嘅結拜兄弟，成日扮專家，但一見野狼就落荒而逃。
長老係羊群族長，一直為保護羊群而努力。
喬哥係狼群首領，頭腦冷靜、強悍，曾因為獵殺阿咩媽媽而被咬甩一隻耳朵。
《狼羊物語》電影小檔案
電影改編自日本繪本作家木村裕一嘅作品，因為繪本得獎無數，更被日本列入為小學四年級國語教科書，喺日本非常受歡迎，亦被繙譯成10多種語言，在歐美及亞洲國家出版。改編成電影後，喺多個亞洲地區上映都大收旺場，而香港將會喺8月10日上映！
誰是好朋友
