個案一：黃先生投訴說：「我打算去日本北海道玩，早在5月初，已經報咗個7月8號出發嘅5天團，之後更用電話確認過可成團，先至安排假期。但係6月30日，我收到旅行社職員電話，因為航空公司無機位，叫我改參加一個遲一日出發嘅團！」
黃先生事後卻有受騙感覺。「點知過兩日，我打電話去旅行社問番原先嗰日出發嘅團，佢哋依然話有位，仲可以參加。點解我最早報團，機位有問題時，反而係最受影響嘅一個？遲過我參加嘅就可以如期出發？」
縱橫遊顧客關係組回覆本報查詢稱，因未能爭取足夠機位，致無法讓所有已報名客人同時出發。
團友怨酒店素質差
回覆又稱，因黃先生屬早報名關係，故優先考慮提供優惠或補償，轉往同類型團體。就此個案，已建議黃先生為改參加遲一天出發的北海道6天團，並多送一天連酒店之安排，但因黃先生不接受此建議，而剛好有其他客人願意接受上述轉團安排，故終能騰出機位，讓黃先生如期出發。
個案二：讀者曾小姐不滿其參加的台灣旅行團，所住酒店質素差。「我喺呢間旅行社參加咗個4天台灣團，6月尾出發，講明係住5星級酒店，但去到台灣先發現，所安排嘅酒店質素好差，根本就唔似宣傳單張所講嘅級數。」
「縱橫遊」顧客關係組回覆稱，據台灣接待單位滙報，曾小姐參加的旅行團，已按行程表要求，於第二及第三晚入住一家大飯店，而該飯店已獲台灣觀光協會認可，屬於5星級，酒店大堂亦掛出協會認可的五粒梅花評級標誌。檔案編號：0705029、0704043