組合2R、SunBoy'Z和梁晴晴等昨日在深水埗西九龍中心出席「DragonICON模特兒大賽」，擔任表演嘉賓行天橋，當中以2R略帶性感的服飾最為搶鏡，難怪她們一出現就令觀眾眼前一亮，得到不少喝采聲。
愛儲比堅尼
2R所穿的服裝代表陽光與海灘，問她們平時愛穿甚麼類型泳衣到沙灘游泳？姊姊Rosanne說：「我平時都係着一件頭去游水㗎咋，唔喺香港都只係着兩件頭。」問二人可覺太保守？Rosanne說：「其實我同妹妹都鍾意儲比堅尼，屋企仲有好多套，但從來冇着過。」妹妹Race則說：「其實我哋都去過澳洲啲天體沙灘，雖然覺得着住泳衣好冇禮貌，但我哋真係冇膽裸體囉。」
採訪、攝影：胡比