英冠聯周日上演兩場首輪賽事，分別由高雲地利迎戰新特蘭（賽事編號：星期日2；無綫收費電視998台及now寬頻898台今日8:30pm直播），以及修咸頓訪打比郡。修咸頓不但有好領隊佐治貝利，在今夏補入的球員亦具級數，「讓球盤」為平手，修咸頓值博。
修咸頓自從上季降班英冠後，目標一直是回升英超聯，今夏更作出好幾個重大收購，雖然其中一名新加盟球員史卡素缺態，今役未必會列正選，但其餘新兵如前鋒巴利胡禮菲臘斯、中場韋亞法拉、歷卡及門將加雲戴維斯等，相信仍然夠殺。
畢竟，修咸頓除了現時球員質素好之外，更有一位好領隊佐治貝利領軍，加上近5場友賽3勝2和，今役就算作客，亦相信可勝打比郡。打比郡雖可「夫添」，但人腳變動不大，只補入盧頓前鋒史堤夫侯活，此消彼長下，今役未必可憑主場食糊。
新特蘭輸往績咪掂
至於高雲地利迎新特蘭一戰，雖然後者今屆有前球員昆尼入主兼掌帥，但這始終是昆尼首次領軍，而且球隊只補入門將戴倫獲特及老將後衞根寧咸等兩名質素一般的球員，加上近4次訪高雲地利僅1和3負，今役就算受讓平/半，亦寧取有後衞佩治或因傷倦勤的高雲地利上盤。
文︰蘋果波神