瘦骨仙女星愛得靚仔歌星大風遮要死，當年佢因為大風遮唔要佢，已經喊到死去活來，後尾仲癲到食藥自殺，不過佢屋企咁多人，點會咁易死得吖，靜雞雞救番佢之後，真係唔係好多人知瘦骨仙曾為仔死為仔亡。最慘係嗰陣大風遮明知佢搞成咁都扮唔知，搞到瘦骨仙啲屋企人嬲到幾乎想打鑊佢。瘦骨仙有咁嘅傷痛都唔識驚，完全冇學精到，一樣係畀大風遮兩、三句花言巧語又𠱁到佢落搭，關仁覺得佢真係可悲！