本來喺公仔箱好得寵嘅唱K，最近俾人打咗入冷宮，雖然劇集照樣有得拍，但外面好多工作好似廣告、電影同易搵錢嘅騷，幾乎全部唔預佢，就算最近有人指定搵佢做嘢，公仔箱都靜靜雞將個job過戶落第二個人身上。至於唱K忽然由得寵變成失寵，原來係公仔箱發現佢成日只係掛住劈酒媾女夜蒲，開工時成日遊魂，完全唔畀心機做嘢，最弊係蒲完之後仲要講大話呃公司，公仔箱見佢咁唔自愛，咪決定制裁佢，等佢唔好三分顏色就上大紅囉！