李克勤前晚於紅館為軟硬天師演唱會擔任表演嘉賓，被軟硬玩到反擊乏力。葛民輝問他結婚時是否讓TVB直播婚禮，林海峰（Jan）謂：「千祈唔好，萬子（萬梓良）嗰劑都係TVB直播，你知後尾搞成點㗎，不如考慮畀cable，但係要講國語喎！」
阿Jan續說：「你結婚係咪唔會請一類人，就係姓林嘅人？林尚義、林敏驄，仲有林文龍，你對姓林係咪好敏感？係咪唔會請我？」
軟硬又要克勤預演婚禮，阿葛扮盧淑儀挽着克勤，把頭靠着他，克勤問：「你個頭使唔使咁濕？」阿葛即說：「我見到你唔濕晒咩？」由於阿葛箍着其腰不讓他走，克勤才勉為其難說：「我願意！」
採訪、攝影：駱華齡