楊思琦嚇親小狗
「我通常都同埋屋企啲小狗一齊玩自拍，最得意係有次敷咗mask同佢哋影合照，佢哋居然俾我個樣嚇親，有時得閒都會影低佢哋嘅一舉一動，見佢哋舂眼瞓釣魚、打交或者係想鹹濕嘅表情都覺得好得意。」
林嘉欣約會鏡頭
「我記得之前第一次入studio時，只係以model身份幫雜誌影吓相，面對鏡頭都唔係好習慣，所以好緊張，成個人緊張到硬繃繃，笑都唔識笑，搞到個攝影師要同我減壓，佢教我只要當個鏡頭同攝影師係情人就得，於是我就諗起以前個男朋友仔，原來真係即刻冇咁緊張。」
古巨基側田低炒搞笑
基仔（左）：「我影相鍾意搵啲特別角度去影，所以今次我就選擇喺褲底影番上嚟，有時睇番都會忍唔住笑。」
側田（右）：「我好唔鍾意影相，屋企一張相都冇，我覺得如果要記得嘅嘢唔需要影低，而係記喺個腦入面。」
李彩華鬥雞贏晒
「每次影呢啲鬼臉自拍照，我都好鍾意做鬥雞眼加豬嘴，一來做豬嘴可以顯得塊面瘦啲，二來我細個成日都同朋友鬥做鬥雞眼做得耐，每次我都會贏㗎，所以𠵱家呢個動作對於我嚟講真係毫無難度呀。」
