東涌映灣園7月份有140宗租務成交，佔成個區七成以上，比6月份多咗兩成，平均呎租都升咗4%。香港置業朱達強話，映灣園𠵱家嘅租客，已經唔再局限喺機場做嘢嘅人，住開九龍甚至港島區嘅客都有，唔怪得咁旺場啦。
好似啱啱租出嘅11座高層H室，1228呎，由住開九龍站擎天半島，返中環工嘅外區客租咗，月租1萬蚊，每呎8.1蚊。
睇定再買
個租客自從賣出擎天單位後，一時間搵唔到啱心水樓住，喺代理介紹下參觀映灣園，發現個盤都喺地鐵沿線，設施齊，最重要係租金夠平，同類面積嘅單位，擎天月租至少要兩萬五至三萬蚊；唔住擎天住映灣園，一年埋數慳番20萬，儲起佢再物色單位作首期，都好化算。