佐丹奴（709）失驚無神傳出被日本仔收購，昨日隻股仲停埋牌，似乎香港家陣啲上市公司真係好有吸引力，近排較大隻嘅已經先後有電訊盈科（008）、邵氏（080）同埋電視廣播（511），唔通呢期真係炒併購？
佐丹奴停咗牌，但唔少零售股都受惠炒高，例如堡獅龍（592）炒高7.4％，收0.58元，甚至連榮暉國際（990）亦升3.85％，收2.7仙，但成交極少，明顯係亁炒。經紀黃話，不妨留意埋申洲國際（2313），隻股唔只炒業績咁簡單。
申洲昨日公布中期業績，盈利上升30％，賺1.9億元人民幣。原來申洲的紡織品，主要就係輸去日本，而今次被傳話想收購佐丹奴的日本Uniqlo，亦係佢嘅大客仔，而日本經濟復蘇，申洲理論上都可以沾一沾呢嗰概念。
申洲昨日升5.9％，收3.23元，成交股數130.8萬股，金額421元。
慕容小初