【本報訊】佐丹奴創辦人黎智英接受本報訪問時表示，早於10年前他仍是佐丹奴大股東時，已與UNIQLO相識，當時UNIQLO曾經提出與佐丹奴合作，但最終雙方並沒有落實。不過，當時UNIQLO的管理層曾經前來佐丹奴取經，「我哋將我哋嘅經營理念、方針同埋心得，同佢哋講」。
指收購不是壞事
黎智英表示，UNIQLO認識佐丹奴，當中對佐丹奴的「薄利多銷、品質優良、管理簡單、快速反應」的基本原則十分清楚，因此他認為，若UNIQLO成功收購佐丹奴，對佐丹奴而言，並不是一件壞事。他認為，「佐丹奴管理層管理得好好，只係喺經營概念、時裝敏感度，同埋創意，需要更多嘅衝擊，同埋更多嘅援助，UNIQLO嘅加入可以令到佐丹奴嘅優秀管理團隊，更加有創意，經營得更加有信心。」
至於傳聞UNIQLO的收購可能屬於敵意，並沒有獲管理層的認同。黎智英說：「佐丹奴無單一大股東，我自己一股都無……若UNIQLO買咗之後，換晒管理層，（這是）十分可惜。UNIQLO需要認識一樣嘢：若係敵意收購，整個管理團隊會離開，UNIQLO只係買咗一個空殼，無人有好處。」他希望UNIQLO盡量友善收購，要做的不是游說基金股東賣控股權，而是游說管理層，「UNIQLO買入佐丹奴對公司本身，對管理層均有好處」。
佐丹奴由黎智英在1981年創立，現時在全球31個地區經營逾1,500家分店，員工逾8,000名。91年6月19日佐丹奴在港上市，雖然以價廉物美獲消費者認同，但由於黎智英其後涉足傳媒行業，影響佐丹奴在內地發展，94年8月8日北京佐丹奴零售店被下令關閉，三日後佐丹奴宣布，為顧及公司整體利益，接納黎智英辭任非執行主席兼董事。96年2月28日，黎智英悉數將所持佐丹奴股權出售。