張玉珊、梁小冰和馬詩慧等昨日出席灣仔「香港傳藝節2006」學生時裝比賽，擔任評判。張玉珊近月桃花旺盛，一時被拍到與許晉亨外甥郭永亮約會，一時與同性密友出雙入對，又常現六叔邵逸夫身邊，昨日她逐一作出回應。
梁小冰驚冇得生
提到郭永亮，張玉姍說：「我同佢係朋友，唔係拍拖，我𠵱家做生意，呢啲係生意交往，你哋唔好搞到我生人勿近，影響我啲生意。」至於同性緋聞，她回應說：「我以前係讀女校，但從來冇鍾意過女仔。」她還直認與向華勝已分手說：「我好似做生意嘅男人咁，唔想有人黐住我，我唔想負責任！」
此外，梁小冰透露將休息一年，問她可是想生兒育女？她說：「都想，不過我拍劇拍足16年，怕副偈有問題。」
採訪：GeneNg
攝影：RickyChan